dorge

 په ری!

  ئێستا له ئامێزی مه‌رگدا  

                            ژیان

                                  ئۆقره ی گرتووه و

له‌ولاوی وێنه ت له تاقی دار خورما و زه یتووندا

په‌نجه‌ی فرمێسک بۆ ره شماڵی گوێز هه‌ڵ ئه‌فرێنێ

بیره‌وه‌ریه‌کان له‌ تاسه‌کانی رێگادا ڕاناوه‌ستن

نیگاکان ڕاگیر نابن .

حه‌وت پلیکانه‌ی دڵ ڕقی رۆژه‌کان

                                          گیانم ئه‌شێلن .

**

بیر دووپات ....

روانین دووپات....

ده‌مار، دووپات....

شه‌وی ئاڵۆزی بیر

بریقه‌ ئاخاته‌ گۆنای کازیوه‌ و

بێ شکانی تاسه‌ ....

په‌ری !

برژانگی شعرت ،

ساباتی دڵ ته‌نگ و

پڕ هاواری لاپه‌ڕه‌ی سپی و

ته‌زبێحی خه‌می هه‌ناری کچێکی بێ ناو نیشان

دنکه‌

             دنکه‌

                                دائه‌خات .

په‌ری!

هه‌نووکه‌ ،

ده‌ماره‌کانم ئه‌شواته‌وه‌ و

بڕیار نیه‌ سکی هه‌زاران مانگه‌ی ناسنامه‌م

                                                له‌ دا‌یک بێت!

ئه‌ڵێی بڕیار نیه‌ خه‌یاڵی په‌نجه‌کان

                                           به‌ حه‌زی زبری په‌رده‌دا بکشێ !

له‌ سه‌رای کۆچی سه‌ده‌کاندا

شه‌مه‌نده‌فه‌ڕی ناو تابلۆی گلێنه‌م نه‌گه‌ییشتوه‌ و

ئامێزی ترسێنه‌ری گومان

                                ئه‌مگووشێته‌وه‌.

**

قامیشه‌کانی ناو پێده‌شتی دوور

ده‌مه‌وبه‌یان

به‌ تێپه‌ڕینی شنه‌ با زامداره‌کان

سروودی تازه‌ ئه‌چڕن .

په‌ری !

وه‌ره‌ با ئه‌و دڵ ته‌نگیه‌ به‌ ته‌نیا گوێ بگرین !!

با هه‌ندێ له‌ ته‌مه‌ن کورتی

                                    ڕاچڵه‌کێم  .

شیوه‌نی ئاوسی ئاسمانیش

                                     هاوده‌نگیم ناکات.

په‌ری!

به‌رده‌وام

                            له‌ چاوه‌ڕوانی و بێده‌نگی و ئازاردام .

کۆڵانه‌کانی غوربه‌ت نامناسنه‌وه‌

سه‌فه‌ری ئاواره‌ییم

تا ئاوێنه‌ی چاوه‌کانت بڕ ناکات .

پێم وایه‌ بێهووده‌یه‌ په‌ری !

زارت له‌ گۆیه‌ .

بڵێ ، با په‌لاماری  گڕاوی قامیشه‌کان

په‌راسووی کچانی شار بسووتێنێ و

په‌نجه‌ی یاسای تاریکی ، هه‌ڵپڕووزێنێ .

بڵێ ، با ته‌وێڵی به‌ردینی کوڕان

به‌ پڵتۆکی گۆرانی

گوله‌ی کوشتنی باوکانی وڵات

                                       هه‌ڵ قڵیشێ .